Jólakveðjur

latur lítill málfræðingur

Eflaust spyrjið þið ykkur: hvar hefur litli málfræðingurinn verið síðustu daga? Hvers vegna hefur ekkert heyrst frá honum? Er allt í lagi með hann? Og eitthvað fleira á þessa leið.

Ég get sagt ykkur að það er allt í lagi með mig, tja eða næstum því. Ég er nefnilega búinn að vera hrikalega latur síðustu daga. Þetta byrjaði allt kvöldið sem ég sofnaði ofan á Íslensku orðtíðnibókinni minni. Nú hugsið þið eflaust: ooo hvað var hann að hugsa, hann hefði getað skemmt bókina. En verið róleg, það gerði ég ekki og mér til varnar þá var ég alveg rooosalega þreyttur. Ég hafði nefnilega verið að lesa mér til um tilvísunarsetningar og ákvað því að fletta upp í orðtíðnibók hversu oft tilvísunartengingin sem kæmi fyrir. Og þegar ég var að fletta í gegnum bókina varð ég skyndilega svo rosalega þreyttur að ég hreinlega sofnaði. Síðan þá hef ég haldið mig frá tilvísunarsetningum. Mig grunar nefnilega að þær hafi valdið þessari þreytu... En já, sem sagt, síðan þá hef ég ekki gert mikið.

En jæja. Þá er ég að minnsta kosti búinn að láta heyra aðeins í mér í bili. Ég vona að þið eigið málfræðifulla viku. Brátt nálgast líka dagur íslenskrar tungu og lítill fugl hefur sagt mér að Mímir, félag stúdenta í íslenskum fræðum við HÍ, verði með alveg frábæra dagskrá. Hver veit nema við sjáumst þá...

þvílíkt veður! ég eyddi heilum 15 mínútum í að greiða laufblöð úr hárinu eftir að ég kom heim. ég vona að þið hafi ekki lent í því sama. ég vona að veðrið fari að batna.

Heilir og sælir málfræðivinir

Síðan ég kom úr göngu hef ég haft ýmislegt fyrir stafni. Ég hef til að mynda blaðað aðeins í vini mínum Iversen og komist að mörgu áhugaverðu um forníslenska beygingakerfið. Svo teiknaði ég nokkrar hríslumyndir á vegginn í stofunni heima. Það ver einkar skemmtilegt. Ef þið viljið sitja á góðum stað og fletta í málfræðibókum endilega kíkið þá í heimsókn. Það er rosalega "kósí" (afsakið erlendar gæsalappir og slettur)að sitja að kvöldi til í sófanum, lesa málfræði og líta öðru hverju upp og sjá þessar líka skemmtilegu hríslumyndir á veggnum.
En segjum þetta gott í bili. Ég vona að þið hafið það gott. Hver veit nema ég heyri eitthvað í ykkur seinna í vikunni.

eitthvað sem allir ættu að forðast

þess ber að geta að ég hlaut engan skaða af þessari göngu.

ég geri fastlega ráð fyrir að bita nýjan bút úr lífi mínu á föstudag eða laugardag. ég fór nefnilega í svo skemmtilega fjallgöngu um daginn. fylgist vel með.

uppáhalds tré litla málfræðingsins